ديري طاجينك دلحوت بحال ديال المرسى

**fatiha** الخميس نوفمبر 20, 2008 3:33 pm

السلام عليكم ورحمة الله تعالى وبركاته

غادي نعاود ليكم حكايتي بحال شي خرافة

كنت واحد النهار فالمرسى ديال أكادير ودوموندينا طاجين ديال الحول أزمزا

المهم كلينا وشبعنا وديما كانلقا بلي طواجنهم ماكايدوروش
إوا الحبايب مشيت عند مول شي وسولتو قلتلو عافاك إلى ماوريني الطريقة باش كاتصاوبو الطواجن دياولكم

المهم لي قالي المعلم بأن السر كلو كاين فالحوت لي كايكون من البارح مشرمل مزيان بالقزبور والمعدنوس والتوابل دياول الحوت كولهم
ياك من بعد كيتقطع الخيزو طريفات رقاق

كانديرو الزيت فالطاجين

كنزيدو عليه خيزو مقطع طراف صغار وعاد كنديرو الطراف ديال الحوت لي عندنا (ساركالا أو أزمزا...) المهم الحوت الكبير كانقطعوا ماطيشة طريفات صغار وكانديروها فوق الطاجين نزيدو شوي الزيتون

وها الطجين وجد

بالصحة والراحة